Pape Pauli II
 | |
| Nazionalitât | Vignesiane |
|---|---|
| Date de nassite | 23 Fev 1417 |
| Lûc de nassite | Vignesie |
| Date de muart | 26 Lui 1471 |
| Lûc de muart | Rome |
| Ativitât | Pape de Glesie Catoliche, vescul, mecenat, colezionist |
Pauli II (nassût Pietro Barbo; Vignesie, 23 di Fevrâr 1417 – Rome, 26 di Lui 1471) al è stât il 211esim Pape de Glesie catoliche e sovran dal Stât Pontifici dal 30 di Avost 1464 fin a la sô muart.
Nevôt di Pape Eugjeni IV, al è stât un pape mecenât, grant colezionist di art antighe e riorganizadôr de urbanistiche di Rome, restant famôs par vê fat costruî il monumentâl Palaç Vignesie (Palazzo Venezia par talian , cognossût prime come Palaç Barbo) e par vê riformât lis fiestis dal Carnevâl roman.
Biografie
[cambie | modifiche il codiç]Prins agns e cariere eclesiastiche
[cambie | modifiche il codiç]Fî dal nobîl venezian Niccolò Barbo e di Polissena Condulmer (sûr di Eugjeni IV), Pietro al veve tacât la cariere di mercjadant, ma al à mudât viêrs di studis eclesiastics cuant che sô barbe al è stât elezût pape tal 1431.
Al è stât elezût arcipredi de Basiliche Vaticane, vescul di Cervia, vescul di Vicence e creât cardinâl da sô barbe Eugjeni IV tal 1440. Durant i pontificâts sucessîfs (in particolâr cun Pape Piu II), al è stât une des figuris plui influentis de Curie romane.
Elezion
[cambie | modifiche il codiç]Daspò de muart di Piu II, Pietro Barbo al è stât elezût pape ai 30 di Avost 1464 al prin scrutin, sielzint il nom di Pauli II.
Pontificât
[cambie | modifiche il codiç]Rapuarts cun l'umanisim e riforme de Curie
[cambie | modifiche il codiç]Il sô pontificât al è stât segnât di un nèt contrast cun certs ambients umaniscj di Rome:
- Intal 1466 al à eliminât il colegjo dai abbreviatori (breviatôrs , funzionaris pontificis che vevin il compit di stindi i documents papâi), une decision che e à provocât la reazion di umaniscj come Bartolomeo Platina.
- Intal 1468 al à sdrumât le Academie Romane di Pomponio Leto, acusant i sôs membris di paganisim e di conspirazion cuintri la vite dal pape. Tancj academics, jenfri i cuâi l'unanist Bartolomiu Sacchi, det ancje Il Platina, vegnin arestâts e torturâts. Pomponio Leto si salve parcè jere zâ in preson a Vignesie , in spiete par jessi processât par sodomie , acjadiment che lu protezeve de repression romane.
Urbanistiche, art e Carnevâl
[cambie | modifiche il codiç]Pauli II al è stât un dai plui grancj colezioniscj dal sô timp, amant di zoîs, medais antghis, cjamesis e statuis:
- Al à comissionât la costruzion dal Palazzo San Marco (cumò Palazzo Venezia , Palaç Vignesie ) a Rome , segnant un dai prinçipâls esemplis di architeture rinassimentâl te citât.
- Al à riorganizât lis celebrazions publichis di Rome, codificant lis corsis dal Carnevâl roman e le famose corse dei barbers (une corse di cjavâi cence fantin) tal percors de Via Lata (le atuâl Via del Corso).
- Intal 1470, cun la bole Ineffabilis Providentia, al à ridòt l'intervâl dai Jubileis da 33 a 25 agns, fasint deventâ la scjadence regolâr mantegnude fin vuê.
Politiche foreste
[cambie | modifiche il codiç]Intal ambìt internazionâl, al à cirût di unî i prinçips cristians cuontri la menaçe dal Imperi Otoman, finanzant il prinçip albanês Scanderbeg (Giorgio Castriota) te sô resistence cuintri i turcs.
Muart
[cambie | modifiche il codiç]Pauli II al è muart di colp par indigjestion di melon a Rome ai 26 di Lui 1471 a 54 agns. La sô tombe monumentâl te Basiliche di San Pieri e je stât scolpide di Mino da Fiesole e Giovanni Dalmata.
Vôs coreladis
[cambie | modifiche il codiç]| Predecessôr: Pape Piu II |
Pape de Glesie Catoliche 1464 – 1471 |
Sucessôr: Pape Sist IV |