Imsanity

Preguntas frecuentes

Instalar o plugin Imsanity alterará as imaxes existentes no meu blog?

Activar Imsanity non alterará ningunha imaxe existente. Imsanity redimensiona as imaxes ao subilas, así que non afecta ás imaxes existentes a non ser que uses especificamente a característica «Bulk Image Resize» na páxina de axustes de Imsanity. A característica de redimensionamento en masa permíteche redimensionar rapidamente as imaxes existentes.

Por que recibo un erro que di «File is not an image»?

WordPress usa a biblioteca GD para xestionar a manipulación de imaxes. GD pódese instalar e configurar para admitir varios tipos de imaxes. Se GD non está configurada para xestionar un tipo de imaxe concreto, verás esta mensaxe ao tentar subila. Para máis información consulta http://php.net/manual/en/image.installation.php

Como podo dicirlle a Imsanity que ignore unha imaxe concreta para poder subila sen que se redimensione?

Podes cambiar o nome do teu arquivo e engadir «-noresize» ao nome. Por exemplo, se o teu arquivo se chama «photo.jpg», podes renomealo a «photo-noresize.jpg» e Imsanity ignorarao, o que che permite subir a imaxe a tamaño completo.

Se es desenvolvedor (ou tes algún a man), tamén podes usar o filtro ‘imsanity_skip_image’ para omitir o redimensionamento de calquera imaxe.

Imsanity comprime ou optimiza as miñas imaxes?

Aínda que Imsanity comprime as imaxes JPG ao redimensionalas, usa a compresión estándar de WordPress. Por iso, as imaxes resultantes non están codificadas de forma eficiente e poden optimizarse aínda máis (sen perda de calidade) con EWWW Image Optimizer e moitos outros plugins de optimización de imaxes.

Imsanity redimensionará as imaxes do plugin X, Y ou Z?

Se as imaxes están na biblioteca de medios do teu sitio, é probable que Imsanity as redimensione. Imsanity usa o gancho wp_handle_upload para procesar as novas subidas e pode redimensionar calquera imaxe existente na biblioteca de medios mediante o redimensionador en masa. Se as imaxes non están na biblioteca de medios, podes usar EWWW Image Optimizer para redimensionalas.

Por que necesitaría este plugin?

As fotos feitas con calquera cámara moderna e a maioría dos teléfonos móbiles son demasiado grandes para mostrarse a tamaño completo nun navegador.
Isto desperdiza espazo no teu servidor web e desperdiza ancho de banda dos teus visitantes ao ver estes arquivos.

Imsanity permíteche establecer un límite de cordura para que todas as imaxes subidas se limiten a un tamaño razoable que aínda é máis que suficiente para as necesidades dunha web típica. Imsanity engánchase a WordPress inmediatamente despois da subida da imaxe, pero antes de que se produza o procesamento de WordPress. Así, WordPress comportase exactamente igual en todos os sentidos, salvo que será coma se o colaborador tivese escalado a súa imaxe a un tamaño razoable antes de subila.

O límite de tamaño que usa imsanity é configurable. O valor por defecto é o suficientemente grande para ocupar toda a pantalla do visitante medio sen escalar, polo que aínda é máis que suficiente para un uso típico.

Por que NON querería usar este plugin?

Quizais non queiras usar Imsanity se usas WordPress como un sitio de descarga de imaxes de arquivo, para fornecer imaxes de alta resolución para imprimir ou se usas WordPress como arquivo de almacenamento de fotos de alta resolución.

WordPress non escala xa automaticamente as imaxes?

Cando se sube unha imaxe, WordPress conserva o orixinal e, segundo o tamaño do orixinal, creará ata 4 copias máis pequenas do arquivo (grande, media-grande, media e miniatura) que están pensadas para incluírse nas túas páxinas. A non ser que teñas necesidades fotográficas especiais, o orixinal adoita quedar sen usar, pero ocupando cota de disco.

Por que escribistes mal Insanity?

Imsanity é a abreviatura de «Image Sanity Limit» (límite de cordura da imaxe). Un límite de cordura é un termo para limitar algo a un tamaño ou valor razoable.

Onde podo obter soporte?

Podes publicar as túas preguntas no foro de soporte en https://wordpress.org/support/plugin/imsanity, pero se non recibes resposta, usa https://ewww.io/contact-us/.